4 ათას დოლარად ღირებული პალტო 32 გრადუსიან სიცხეში - მელანიამ მსოფლიო კვლავ აალაპარაკა

დონალდ და მელანია ტრამპებმა თეთრ სახლში პოლონეთის პრეზიდენტი და პირველი ლედი მიიღეს. მიუხედავად იმისა, რომ ვაშინგტონში 32 გრადუსი იყო, მელანიამ გადაწყვიტა, „გუჩის“ 3.980 დოლარად ღირებული პალტო ჩაეცვა. ფოტოკამერებთან პოზირების დროს დონალდ ტრამპსა და ანჯეი დუდას შავი კოსტიუმები ეცვათ, აგატა კორნჰაუსერ-დუდამ კი თეთრი პიჯაკი და შავი შარვალი მოირგო.

პალტო მელანიას არც თეთრ სახლში შესვლის შემდეგ გაუხდია. პრესკონფერენციაზე, სადაც პრეზიდენტები ვაჭრობას, შეიარაღებას და ენერგეტიკას განიხილავდნენ, ის კვლავ თბილად იყო ჩაცმული.

პოლონეთის პრეზიდენტის თანაშემწის განცხადებით, დუდა, ვიზიტის ფარგლებში, პირისპირ შეხვდება დონალდ ტრამპს, ლიდერები ცენტრალური ევროპის უსაფრთხოებასა და რეგიონში აშშ-ს სამხედრო წარმომადგენლობის შესახებ იმსჯელებენ.

დუდა, ასევე, შეხვდება ამერიკელ სენატორებს.

პოლონეთი პირველი ქვეყანა იყო, რომელსაც დონალდ ტრამპი გასულ წელს ევროპული ტურნეს ფარგლებში ესტუმრა.