"ამ თვითმფრინავში ჩემი პაპებიდან ერთ-ერთი აუცილებლად დაიღუპებოდა..." - ნახეთ, ფოტოებით მოყოლილი საბედისწერო რეისის ისტორია

1953 წლის 14 ივნისი - ქართული კინოს ვარსკვლავი, ულამაზესი ნატო ვაჩნაძე, საკუთარ დაბადების დღეზე თვითმფრინავის ბილეთს იყიდის... ასე მოხვდება რეისზე, სადაც მასთან ერთად 13 ადამიანის სიცოცხლე ცაში დაიფერფლება!

არაერთხელ დაწერილა იმის შესახებ, თუ როგორ აღმოჩნდა ნატოს ხელში თვითმფრინავის ბილეთი, რომლის მფლობელსაც სიკვდილი ეწერა... როგორ ჩამოვარდა თვითმფრინავი მისი მეუღლის, ნიკოლოზ შენგელაიას სოფელთან ახლოს. მიზეზი უამინდობა იყო თუ ბერიას შურისძიება, რაშიც ბევრი იყო დარწმუნებული... ეს ყველაფერი უკვე იცით, ახლა კი ამ ამბავს სხვა კუთხიდან დაგანახებთ.

პილოტი ირაკლი ხახუტაშვილი, რომელიც ამ რეისით გამოფრინდა, ჩემი პაპა იყო. ის არ უნდა ყოფილიყო ამ თვითმფრინავში, მაგრამ პილოტი ბოლო წუთს შეცვალეს. რეისით ჩემი მეორე პაპა, ისიც მფრინავი - ვახტანგ ინასარიძე უნდა გამოფრენილიყო... ამ თვითმფრინავში ჩემი პაპებიდან ერთ-ერთი აუცილებლად დაიღუპებოდა.

ნახეთ ფოტოებით მოყოლილი ყველაზე უცნაური და საბედისწერო ისტორია.