ავტორი:

"გამრეკელაშვილს 33 ჭრილობა აქვს მიყენებული, 8 კისრის არეში" - რა თქვა პროცესზე ექსპერტმა, რომელმაც გარდაცვლილის ცხედარი გამოიკვლია

"გამრეკელაშვილს 33 ჭრილობა აქვს მიყენებული, 8 კისრის არეში" - რა თქვა პროცესზე ექსპერტმა, რომელმაც გარდაცვლილის ცხედარი გამოიკვლია

ექსპერტიზის დასკვნით ბარნოვის ქუჩაზე მოკლულ 25 წლის თამარ გამრეკელაშვილს 33 ჭრილობა აქვს მიყენებული, აქედან 8 კისრის არეში, - ამის შესახებ ჟურნალისტებსბარნოვის ქუჩაზე მომხდარი მკვლელობის საქმის პროკურორმა გიორგი შაიშმელაშვილმა განუცხადა. ექსპერტიზის დასკვნა დღევანდელ სასამართლო სხდომაზე გამოიკვლიეს. ასევე დაიკითხა ექსპერტი, რომელმაც კვლევა ჩაატარა.

"დღევანდელ სასამართლო სხდომაზე გამოიკითხა სასამართლო-სამედიცინო ექსპერტი, რომელმაც უშუალოდ გამოიკვლია გარდაცვლილის ცხედარი. აღნიშნული ექსპერტიზით და თავად ექსპერტის ჩვენებით დადასტურდა, რომ მოკლულს აღენიშნებოდა 33 ჭრილობა, ასევე, აღენიშნებოდა მრავალი სისხლნაჟღენთი დაზიანება. 33 ნაკვეთი-ნაჩხვლეტი ჭრილობიდან 8 კისრის არეში იყო შემავალი, 2 გულმკერდის არეში, დანარჩენი სხვადასხვა ადგილზე. ექსპერტიზის დასკვნით, კისრისა და ყელის არეში არსებულმა დაზიანებებმა გამოიწვია გარდაცვალება", - განაცხადა გიორგი შაიშმელაშვილმა.

ამასთან, პროკურორის ინფორმაციით, დღევანდელ პროცესზე ასევე ის ექსპერტი დაიკითხა, რომელმაც დაზარალებულ ნათელა გაბოძეს ფსიქოლოგიური ექსპერტიზა ჩაუტარა. "ამ ექსპერტიზის დასკვნით დადგინდა, რომ ნათელა გობაძესთან განხორციელებული კანონსაწინააღმდეგო ქმედებების შედეგად, დაზარალებულმა განიცადა მორალური და ფსიქოლოგოური ტანჯვა", - აღნიშნა შაიშმელაშვილმა.

თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."

შსს-ს გაფრთხილება აქციის მონაწილეებს - უწყება განცხადებას ავრცელებს

"მთავარი არხის" ერთ-ერთი დამფუძნებელი გიორგი რურუა დააკავეს