"მეცოდები შენ, მაგრამ ასმაგად შენი შვილები და დედა..." - რას წერენ ახლობლები გარდაცვლილ დიმიტრი ტატიშვილზე

დიდ დიღომში, ჯანიაშვილის ქუჩაზე მდებარე კორპუსში, ახალგაზრდა მამაკაცი გარდაცვლილი იპოვეს. დიმიტრი ტატიშვილი გარდაცვლილი საკუთარ სახლში იპოვეს.

ახალგაზრდა მამაკაცი საზოგადოებამ მაშინ გაიცნო, როცა კორპუსის ბავშვებს ეზოში აუზი დაუდგა. მის შესახებ საუბრობდა ყველა - სოციალური ქსელის მომხმარებლები, თუ ტელევიზიები.

გარდაცვლილს მეუღლე და ოთხი მცირეწლოვანი შვილი დარჩა.

ტატიშვილის მეგობრები და ახლობლები "ფეისბუქზე" წერენ მისი გარდაცვალების შესახებ და წუხილს გამოთქვამენ. გარდაცვლილის მეგობარი გიორგი გიორგაშვილი წერს:

"რა დღე გაგვითენე. შენ ხო მეცოდები და მეცოდები, მაგრამ ასმაგად შენი შვილები და დედა, რომელსაც სამუდამოდ ჩაუქრე ცაზე მზე. სამუდამოდ აუკრძალე მზის ყურება, რომ არაფერი ვთქვათ მეგობრებზე, რომელთათვისაც მეგობრობის კულტი იყავი. დაე, უფალმა დაგიმკვიდროს სასუფეველი, სადაც ყველაზე მართალნი განისვენებენ. რა მწარე დილა გათენდა... ის კი ვიცი, რომ შენი სურვილით შენს ოჯახს ამ ტკივილს არ მიაყენებდი. მებრძოლი კაცი იყავი..." - წერს ტატიშვილის მეგობარი.

"ჩემო უკეთილშობილესო, ჩემო საამაყო, შენი ტკბილი გული როგორ უნდა გაჩერებულიყო. ჩემო დიტუნა, ჩემო ბიძიკო. ვერ ვიჯერებ, ვერ ვიაზრებ, რომ შენ ამქვეყნად აღარ უნდა იყო. უფალმა გაანათლოს შენი სული, ჩემო გულტბილო და სუფთა ადამიანო. ამას როგორ გავუძლებთ არ ვიცი, ბიძიკო" - წერს სოციალურ ქსელში დიტო ტატიშვილის ახლობელი.

როგორც Ambebi.ge-ს შინაგან საქმეთა სამინისტროში განუცხადეს, მომხდარზე გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.