პირველი ბავშვი გაეროში - ახალი ზელანდიის პრემიერ-მინისტრმა სხდომაზე 3 თვის ბავშვი მიიყვანა
ახალი ზელანდიის პრემიერ-მინისტრმა ჯასინდა არდერნმა გაეროს გენერალურ ასამბლეაზე შვილი მიიყვანა.
„ევრონიუსის“ ინფორმაციით, 38 წლის არდერნი პირველი პოლიტიკური ლიდერია, რომელიც გაეროს სხდომას ახალშობილი ბავშვით დაესწრო. პრემიერ-მინისტრი 3 თვის შვილს, ნივს ეთამაშებოდა, ხოლო როდესაც არდერნის სიტყვით გამოსვლის დრო დადგა, ბავშვმა მამასთან, პრემიერის პარტნიორთან მოიკალათა. კლარკ გეიფორდი ყოფილი ტელეწამყვანია, მან სამსახური მიატოვა და მთელ დროს ბავშვს უთმობს.
არდერნი ახალი ზელანდიის მეორმოცე პრემიერ-მინისტრი და აღნიშნულ პოსტზე მესამე ქალია. ორსულობის დროს ის ბევრჯერ გახდა კრიტიკის ობიექტი, სკეპტიკოსები ფიქრობდნენ, რომ ახალბედა დედის როლში მას ქვეყნის მართვა გაუჭირდებოდა. თუმცა, ჯასინდა ამბობს, რომ სამსახურსა და მშობლის ამპლუას ერთმანეთს არაჩვეულებრივად უთავსებს.
კლარკ გეიფორდმა "ტვიტერზე" გამოაქვეყნა პატარა ნივის საშვი, რომლითაც ის გაეროს ოფისში შეიყვანეს.
ესპანეთში, ხელისუფლების გადადგომის მოთხოვნით, საპროტესტო აქციები იმართება - გახანგრძლივდება თუ არა საგანგებო მდგომარეობა 1 თვით და როგორია ინფიცირებულთა მონაცემები
ჩინეთის ელჩი ისრაელში გარდაცვლილი იპოვეს - როგორია წინასწარი ვერსია სიკვდილის მიზეზებზე
