AMBEBI.GE-ს ინფორმაციით, ლევან ყიფიანი აპირებს თქვას, რომ ზაზა ოქუაშვილს საკუთარი ინიციატივით ესაუბრებოდა

სპორტისა და ახალგაზრდულ საქმეთა ყოფილი მინისტრი ლევან ყიფიანი საქალაქო სასამართლოში დაკითხვაზეა დაბარებული, სადაც დღეს 16:00 საათზე გამოცხადდება.

როგორც AMBEBI.GE-ს ინფორმირებულმა წყარომ აცნობა, დღეს, ან უახლოეს დღეებში ყოფილი მინისტრი საკუთარ თავზე აიღებს პასუხისმგებლობას იმ საკითხებზე, რომელზეც საუბარი იყო მედიით გავრცელებულ ფარულ აუდიოჩანაწერებში.

კონკრეტულად კი, იმ ეპიზოდებზე სადაც "ომეგა ჯგუფის" დამფუძნებელთან ზაზა ოქუაშვილთან და სხვა პირებთან, ყოფილი მინისტრი კორუფციულ გარიგებებზე საუბრობს. სავარაუდოდ, წყაროს ინფორმაციით, ზეწოლის შედეგად, ლევან ყიფიანი დაკითხვაზე აღიარებს, რომ ოქუაშვილს საკუთარი ინიციატივით ესაუბრებოდა და საკუთარ ინტერესებზე ზრუნავდა.

არსებული ინფორმაციით, ყიფიანი უარყოფს ე.წ სარდაფის ეპიზოდსაც.