ფინანსთა სამინისტროს საგამოძიებო სამსახურის უფროსმა თანამდებობა დატოვა

ფინანსთა სამინისტროს საგამოძიებო სამსახურის უფროსი, ლევან გამყრელიძე თანამდებობიდან გადადგა.

როგორც "ინტერპრესნიუსს" საგამოძიებო სამსახურში განუცხადეს, ლევან გამყრელიძე თანამდებობიდან პირადი განცხადების საფუძველზე გადადგა.

მათივე ინფორმაციით, საგამოძიებო სამსახურის უფროსის მოვალეობას სოსო რამიშვილი შეასრულებს, რომელიც ლევან გამყრელიძის მოადგილედ მუშაობდა.