თბილი ამინდი და მცირე წვიმა - სამი დღის პროგნოზი სინოპტიკოსებისგან

გარემოს ეროვნული სააგენტოს ინფორმაციით, მომდევნო დღეების განმავლობაში საქართველოში თბილი ამინდია მოსალოდნელი.

კერძოდ, 19-20 ოქტომბერს საქართველოში შენარჩუნებული იქნება შედარებით თბილი და უმეტესად უნალექო ამინდი, ხოლო 21-22 ოქტომბერს ცალკეულ რაიონში შესაძლოა მცირე წვიმა აღინიშნოს.

სინოპტიკოსების პროგნოზით, ჰაერის ტემპერატურა დაბლობსა და ბარში +21, +26 გრადუსის ფარგლებშია მოსალოდნელი.

თბილისში 21-22 ოქტომბერს შესაძლებელია მცირე წვიმა. ჰაერის ტემპერატურა +23, +25 გრადუსი იქნება.