ჰაერში დაკიდებული ხეივანი, აკვაპარკი, ეკო ხიდები - როგორი იქნება საქალაქო პარკი დიღმის ჭალებში

დიღმის ჭალებში საქალაქო პარკის პროექტის შედგენაზე გამოცხადებული ტენდერი უკვე დასრულდა. ტენდერში კომპანია შპს „გოდაკო 2“- მა გაიმარჯვა. შეგახსენებთ, რომ სატენდერო პირობების თანახმად, შესყიდვის სავარაუდო ღირებულება 310 000 ლარი იყო, თუმცა, გამარჯვებული კომპანია აღნიშნული მომსახურებისთვის 354 000 ლარს მიიღებს.

სატენდერო დოკუმენტაციის მიხედვით, საპროექტო ტერიტორია 85 000 კვ/მ-ს მდ. მტკვარში კუნძული - 65 000 კვ. მეტრს (აღნიშნული ტერიტორიისთვის მოიაზრება მხოლოდ ბუნებრივი საფეხმავლო ბილიკების მოწყობა) შეადგენს.

შპს „გოდაკო2“, რომელმაც ტენდერში გაიმარჯვა, 2015 წელს არის რეგისტრირებული. მისი 100%-იანი წილის მფლობელი გიორგი კვიწინაშვილია. მის სამუშაო გამოცდილებაში რეალიზებული პროექტების ჩამონათვალშია, მათ შორის - საქართველოს ფეხბურთის ფედერაციის სათავო ოფისი; ტურისტებისა და ვიზიტორების სახლი დიდველის 1 საბაგიროსთან; სავაჭრო ცენტრები „ქალაქის გული“ და „დიდუბე პლაზა“ თბილისში; სპორტის სასახლე ქუთაისში; რესტორნები: „ფაეტონი“, „წისქვილი“, „ოქროს კათხა“ თბილისში და ა.შ.

აღსანიშნავია, რომ კომპანიას წარდგენილი აქვს პროექტის განმარტებითი ბარათიც, რომელშიც გაწერილია თუ როგორ წარმოუდგენიათ აღნიშნული საპროექტო ტერიტორიის განვითარება. განმარტებითი ბარათის თანახმად, ტერიტორია დაიყოფა 5 ზონად - მისასვლელ-საპარკინგე ზონა; კულტურულ-საგანმანათლებლო; ხელოვნურად შექმნილი წყლის სარკის ზონა; სპორტული და საბავშვო ზონა.

წაიკითხეთ ვრცლად ნახეთ ფოტოები