ჰოლივუდის ვარსკვლავების ვილები ცეცხლმა გაანადგურა - ნახეთ როგორ გამოიყურებოდა მილიონიანი სასახლეები ხანძრამდე

კალიფორნიაში ძლიერმა ხანძარმა შოუბიზნესის რამდენიმე ვარსკვლავიც დააზარალა. ხანძრის შედეგად მთლიანად განადგურდა ჯერარდ ბატლერის სახლი, მსახიობი ევაკუაციის შემდეგ მალიბუში დაბრუნდა და სოციალურ ქსელებში დამწვარ სახლთან გადაღებული ფოტო გააზიარა. ბატლერი გმირობისა და გაბედულობისთვის მეხანძრეებს მადლობას უხდის.

იხილეთ ვიდეო

ჯერარდ ბატლერის კალიფორნიაში მდებარე სახლი 4.4 მლნ დოლარად იყო შეფასებული.

ხანძარმა დააზარალა კეიტლინ ჯენერიც. ცნობილი ტრანსგენდერი აქტივისტი "ინსტაგრამზე" წერს, რომ ევაკუაცია დროულად შეძლო და მეგობარ ქალთან და ძაღლთან ერთად უსაფრთხოდ იმყოფება.

ჰიდენ ჰილსზე მდებარე სახლიდან ევაკუაცია გახდა საჭირო კიმ კარდაშიანისა და კანიე უესტისთვისაც, მათთან ერთად კარდაშიანის სხვა ოჯახის წევრებიც იმყოფებიან. "რეალითი შოუს" ვარსკვლავმა კიმ კარდაშიანმა "ინსტაგრამზე"განათავსა დისშვილთან, ქლოუის შვილთან ერთად გადაღებული ფოტო, წარწერით "ყველა უსაფრთხოდ ვართ".

კანიე უესტმა და მისმა ცოლმა სახლი გასულ წელს 17.8 მლნ დოლარად შეიძინეს, მისი რემონტისთვის კი 20 მლნ დოლარი დახარჯეს.

მალიბუში მდებარე სახლი ლეიდი გაგამ პარასკევს დატოვა, "ტვიტერზე" კი ემოციური გზავნილი გააზიარა :

"მუდმივად ვფიქრობ მათზე, ვინც ხანძრისგან დაზარალდა, ვინც სახლები, საყვარელი ადამიანები დაკარგა... მეც თქვენსავით ვზივარ ახლა და ვფიქრობ, აქცევს თუ არა ცეცხლი ჩემს სახლსაც ფერფლად. მხოლოდ ერთი რამ შეგვიძლია, ერთად ვილოცოთ ერთმანეთისთვის. ღმერთი გფარავდეთ".

მომღერლის სახლი 23 მლნ დოლარად არის შეფასებული.

მსახიობმა ორლანდო ბლუმმა სოციალურ ქსელში გააზიარა სურათი, რომელიც იმ ქუჩაზეა გადაღებული, სადაც თავად ცხოვრობს. ცეცხლი მის სახლთან ძალიან ახლოს არის. ბლუმი ამბობს, რომ ლოცულობს ყველასთვის და მადლობას უხდის მეხანძრეებს მამაცობისთვის.