"მგონი ძალიან ვჩანვარ, ამაზე მეტი უხერხულია" - სალომე ზურაბიშვილის პირველი კომენტარი "ბანერების სკანდალზე"
"მე მგონი, ჩემი სურათი არის ბევრად ლამაზი, ვიდრე პირველი სურათი და მგონი ძალიან ვჩანვარ, ამაზე მეტი ცოტა უხერხულია" - ამის შესახებ "ქართული ოცნების" მიერ მხარდაჭერილმა კანდიდატმა სალომე ზურაბიშვილმა ახალ საარჩევნო ბანერებზე დასმული კითხვის პასუხად განაცხადა.
"მე ვერ მხედავთ? მე მგონი, ჩემი სურათი არის ბევრად ლამაზი, ვიდრე პირველი სურათი და მგონი ძალიან ვჩანვარ, ამაზე მეტი ცოტა უხერხულია. ვნახოთ, სტრატეგიის შედეგსაც ვნახავთ" - განაცხადა ზურაბიშვილმა.
მისივე თქმით, ძველი სურათი ნაკლებად მოსწონდა და ახალი საარჩევნო ბანერები უფრო ევროპული სტილისაა.
"პირველი ტურის დროს მეგონა, რომ ჩემი სურათი ძალიან ბევრი და დიდი იყო. ეს არ არის ის ევროპული სტილი, რომელიც მომწონს, მე ეს სტილი უფრო მომწონს" - განაცხადა სალომე ზურაბიშვილმა.
შეგახსენებთ, მეორე ტურისთვის სრულიად განახლდა სალომე ზურაბიშვილის საარჩევნო ბანერები, შეცვლილია ხელისუფლების მიერ მხარდაჭერილი კანდიდატის ფოტოები და სლოგანი - ფრაზა "ერთად საქართველოსთვის" ახალი დევიზით - "პრინციპული არჩევანი" ჩანაცვლდა. ამასთან, საარჩევნო ბანერებზე ზურაბიშვილის გარდა ბიძინა ივანიშვილი, ირაკლი კობახიძე და მამუკა ბახტაძეც გამოჩნდნენ.
2018 წლის საპრეზიდენტო არჩევნების მეორე ტური 28 ნოემბერს გაიმართება.
LIVE: ალეკო ელისაშვილი და გიორგი ვაშაძე "ნიუსრუმში"
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
