მამაკაცმა აღმოაჩინა, რომ თვითმფრინავში მასთან ერთად ანგელა მერკელი იჯდა
მამაკაცმა, რომელიც მადრიდიდან ბუენოს-აირესში მიფრინავდა, აღმოაჩინა, რომ თვითმფრინავში მასთან ერთად გერმანიის კანცლერი იჯდა. DW-ს ინფორმაციით, აუგუსტინ აგუერო ანგელა მერკელთან ერთად Iberia Airlines-ის რეისით მიფრინავდა.
აგუერომ და მერკელმა 13 საათის მანძილზე ბიზნეს-კლასით იფრინეს. კანცლერი დიდი ოცეულის სამიტზე დასასწრებად მიფრინავდა. მერკელი გერმანული სამხედრო თვითმფრინავით უნდა გამგზავრებულიყო, თუმცა ტექნიკური პრობლემების გამო ვერ შეძლო და ამიტომ, იძულებული გახდა, მადრიდიდან Iberia Airlines-ის თვითმფრინავით გამგზავრებულიყო.
აგუერომ „ტვიტერზე“ მერკელის ფოტოები გააზიარა. მან ჟურნალისტებთან განაცხადა, რომ მსოფლიოს ერთ-ერთი ყველაზე გავლენიანი ქალის ნახვა ფრენისას ძალიან მოულოდნელი იყო.
„მან მიირთვა იოგურტი, წაიკითხა წიგნი და ცოტა ხანს ეძინა,“- ჰყვება აგუერო.
მისი თქმით, გამოლაპარაკება ვერ გაბედა, თუმცა კანცლერმა მას რამდენჯერმე გაუღიმა და ზოგადად, "ყველას მიმართ მეგობრული იყო".
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
