კოსმონავტი დედისა და შვილის ფოტოსესია კოსმოსში გაფრენამდე : "მისი დატოვება ყველაზე რთულია"

კოსმოსში გაფრენამდე NASA-ს კოსმონავტები ოფიციალურ ფოტოსესიაში იღებენ მონაწილეობას. „ბიზნესინსაიდერი“ წერს, რომ მათ ნაწილი ოჯახის წევრებთან, მეგობრებთან, ან - ცხოველებთან ერთად პოზირებს.

2017 წლის აგვისტოში ფოტოსესიისთვის ენ მაკლეინმა, ამერიკის სამხედრო მაიორმა და კოსმონავტმა თავისი პატარა შვილი მიიყვანა.

„წვრთნის დროს ყველაზე ძნელი 4 წლის შვილის დატოვება იყო,“ - დაწერა მაკლეინმა „ტვიტერზე“ 2018 წლის მარტში.

სოციალურ ქსელში მან, ასევე, გამოაქვეყნა შვილთან ერთად გადაღებული სურათები, რომელზეც კოსმონავტის სპეციალური სამოსით პოზირებს.

როდესაც "ტვიტერის" მომხმარებელმა ჰკითხა მაკლეინს, რა უფრო რთულია - წასვლა თუ დარჩენა, მან განაცხადა, რომ კითხვაზე პასუხი ძალიან ძნელად გასაცემია.