კგბ-ს თანამშრომელი პუტინი - გერმანიაში, არქივში რუსეთის პრეზიდენტის ძველი მოწმობა იპოვეს
დრეზდენში, აღმოსავლეთ გერმანიის უშიშროების სამსახურის („შტაზი“) არქივში იპოვეს პირადობის მოწმობა, რომელსაც ვლადიმერ პუტინი კგბ-ს თანამშრომლობის დროს იყენებდა, ინფორმაციას BBC ავრცელებს.
პირადობის მოწმობა კგბ-მ და შტაზმა ერთობლივი კვლევის დროს აღმოაჩინეს. პუტინმა საბუთი 1985 წელს მიიღო, როდესაც ის კგბ-ს მაიორი იყო.
აღმოსავლეთ გერმანიის უშიშროების სამსახურის მიერ გავრცელებულ განცხადებაში აღნიშნულია, რომ პუტინმა ID ბარათი შტაზთან თანამშრომლობისთვის მიიღო.
ვლადიმერ პუტინი, რომელიც ლენინგრადში (ახლანდელ სანკტ-პეტერბურგში) დაიბადა, აღმოსავლეთ გერმანიაში 1985 წელს მიავლინეს, მაშინ ის 33 წლის იყო.
პუტინი დრეზდენში კგბ-ს ოფიცერი იყო, ის გერმანიაში 1989 წლამდე დარჩა.
შტაზის ID ბარათის განახლება ყოველ 3 თვეში იყო სავალდებულო. უცნობია, რატომ დატოვა პუტინმა საბუთი არქივში.
დრეზდენში მსახურობის დროს მას ვიცე-პოლკოვნიკის წოდება მიანიჭეს. 1989 წელს კი კომუნისტურმა აღმოსავლეთ გერმანიამ ბრინჯაოს მედალი გადასცა „ერთგული სამსახურისთვის“.
რუსეთის პრეზიდენტის პრესმდივანმა საბუთის ნამდვილობა არ გამორიცხა. მისი თქმით, იმ პერიოდში შტაზი და კგბ აქტიურად თანამშრომლობდნენ.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
