"ანანიაშვილი ან გაემიჯნოს ქმრის განცხადებებს, ან გადადგეს!" - ოქიტაშვილი ანანიაშვილის წინააღმდეგ აქციებს აანონსებს
„დავიწყებთ პერმანენტულ აქციებს, რათა ოპერა განთავისუფლდეს ვაშაძეებისა და ანანიაშვილების კლანისგან“, – ამის შესახებ დღეს გამართულ პრესკონფერენციაზე საქართველოს ხელოვნების მუშაკთა პროფესიული კავშირის პრეზიდენტმა დავით ოქიტაშვილმა განაცხადა.
მისი თქმით, ოპერის საბალეტო დასს არ უნდა ხელმძღვანელობდეს ნინო ანანიაშვილი, რადგან მისი მეუღლე გრიგოლ ვაშაძე „ქვეყნის მოსახლეობას ხელისუფლების დამხობისკენ მოუწოდებს“.
„კრიზისული მდგომარეობაა ოპერაში შექმნილი. ოპერის საბალეტო დასს ხელმძღვანელობს ადამიანის მეუღლე, რომელიც საქართველოს მოსახლეობას მოუწოდებს დაამხოს ეს ხელისუფლება; საქართველოს მთავრობას კრიმინალებს ეძახის, ბიძინა ივანიშვილს – ნარკობარიგას. მე მივმართავ ქალბატონ ნინო ანანიაშვილს, ის ან გამოვიდეს და გაემიჯნოს და თქვას, რომ არ ეთანხმება მისი მეუღლის განცხადებებს, ან გადადგეს, რადგან ასე არ შეიძლება. ყველა ქვეყანაში ოპერა ქვეყნის სავიზიტო ბარათია“, – განაცხადა ოქიტაშვილმა.
იტალიაში კორონავირუსით ორი ემიგრანტი ქალი გარდაიცვალა
მუხიანში, ერთ-ერთ სავაჭრო ცენტრში ხანძარი გაჩნდა
