მალაიზიის მეფე, რომელიც "მის მოსკოვზე" დაქორწინდა, ტახტიდან გადადგა
მალაიზიის მეფე ტახტიდან გადადგა. 49 წლის სულთანი მუჰამედ მეხუთე ბოლო პერიოდის განმავლობაში საზოგადოების წინაშე არ გამოჩენილა, მედიასაშუალებებმა კი გაავრცელეს ინფორმაცია, რომ დაახლოებით 2 თვის წინ ის „მის მოსკოვზე“ დაქორწინდა.
ბრიტანეთისგან დამოუკიდებლობის მოპოვების შემდეგ მალაიზიის ისტორიაში ეს პირველი შემთხვევაა, როდესაც მეფემ ტახტზე უარი თქვა.
„გაცნობებთ, რომ მისი უდიდებულესობა 6 იანვარს ტახტიდან გადადგა,“ - ნათქვამია სასახლის განცხადებაში, თუმცა მისი გადაწყვეტილების მიზეზებზე ოფიციალური პირები არაფერს ამბობენ.
მუჰამედ მეხუთემ მეფის ტიტული 2016 წლის დეკემბერში მიიღო, გასული წლის ნოემბერში კი შვებულება აიღო.
მედიის ინფორმაციით, ის სწორედ ნოემბერში დაქორწინდა ყოფილ „მის მოსკოვზე“, თუმცა მალაიზიაში ინფორმაცია ოფიციალურად არ დაუდასტურებიათ.
სხვადასხვა საინფორმაციო პორტალის ცნობით, ყოფილმა „მის მოსკოვმა“ მეფეზე დაქორწინებამდე ისლამი მიიღო. მუჰამედის რჩეული 25 წლის ოქსანა ვოევოდინაა.
მდიდრული საქორწინო ცერემონიალი მოსკოვში გაიმართა.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
