თბილისში, სავარაუდოდ, "ღორის გრიპის" ვირუსით ახალგაზრდა ქალი გარდაიცვალა

თბილისში, სავარაუდოდ, "ღორის გრიპის" ვირუსით ახალგაზრდა ქალი გარდაიცვალა. იგი კომპოზიტორ მანანა იმედაძის რძალია. სამწუხარო ინფორმაცია "ფეისბუქზე" იმედაძემ თავად გაავრცელა.

"გამიფრინდა ჩემი ანგელოზი ხალხნოოოოოოო!!!" - წერს კომპოზიტორი სოციალურ ქსელში.

სალომე ქემაშვილი თბილისში, ყაზბეგის ქუჩაზე მდებარე ინფექციურ საავადმყოფოში ერთი კვირის წინ მოათავსეს. ექიმების მცდელობის მიუხედავად მისი გადარჩენა ვერ მოხერხდა. გოგონას წლინახევრის შვილი დარჩა.