"...ასე ვიდგეთ სიკვდილის რიგში გამწკრივებულები?" - რას წერს ჟურნალისტი გუშინდელი ტრაგედიის შემდეგ "ფეისბუქზე"

ჟურნალისტი დაჩი გრძელიშვილი გუშინ დიდ დიღომში მომხდარ ტრაგედიას "ფეისბუქით" ეხმაურება:

"იგივეს დავწერ, რაც ქობულეთის სასტუმროში ბავშვების დაწვის, ბათუმის სასტუმროს ტრაგედიის, მეტროში ჭერის ჩამოვარდნის, ფასადიდან მინაბლოკით ბავშვის დაღუპვის მერე დავწერე - სულისშემძვრელი ფოტოების გაზიარებით, ან განტევების ვაცის ძებნით კი არა, რეალური მიზეზების და პრევენციით უნდა დავკავდეთ - მედიაც და მისი მომხმარებლებიც. დარწმუნებილი ვარ, ყველა ჩვენგანი აქაც, ფეისბუკზე წყევლა-კრულვითა და ტრაგიკული ფოტოებით გაჯერებულ პოსტებში რაიმე რაციონალური რჩევის და პრევენციული ინფორმაციის პოვნას ვცდილობთ - სამწუხაროდ, უშედეგოდ. არადა გაზი ყველას გვაქვს ბინაში... მე არ ვარ გაზგაყვანილობის სპეციალისტი. ვინმე - მთავრობა, მედია, მოქალაქე... რამე რაციონალურს დაწერს თუ როგორც ერთმა ჩემმა მეგობარმა თქვა - ასე ვიდგეთ სიკვდილის რიგში გამწკრივებულები", - წერს ჟურნალისტი.

• რას შეიძლებოდა გამოეწვია აფეთქება დიდ დიღომში - ექსპერტის დეტალური განმარტება
• "ბინაში დაგროვილი გაზის აფეთქება, შეიძლება ტელეფონის ზარმაც გამოიწვიოს" - უსაფრთხოების ზომები, რომლებიც ყველამ უნდა იცოდეს

დიდ დიღომში, საცხოვრებელ კორპუსში გუშინ მომხდარი აფეთქების შედეგად 4 ადამიანი გარდაიცვალა, აქედან ერთი მცირეწლოვანი ბავშვია. დაშავდა 8 ადამიანი, თუმცა, ისინი კლინიკებიდან დღეს გაწერეს და ამ დროისთვის იაშვილის საავადმყოფოში მხოლოდ ერთი ბავშვი განაგრძობს მკურნალობას.