ავტორი:

დიდ დიღომში მომხდარი აფეთქების საქმეზე სასამართლო განხილვა მიმდინარეობს

დიდ დიღომში მომხდარი აფეთქების საქმეზე სასამართლო განხილვა მიმდინარეობს

დიდ დიღომში, ავთანდილის ქუჩაზე მომხდარი აფეთქების საქმეზე დაკავებული ორი პირის, „ყაზტრანსგაზ-თბილისის“ ყოფილი თანამშრომლების, თორნიკე ტატიშვილისა და ვაზელ მამადიანის აღკვეთის ღონისძიების საქმეზე სასამართლო განხილვა მიმდინარეობს.

სხდომას ორივე ბრალდებული ესწრება. როგორც ადვოკატმა სხდომის დაწყებამდე ჟურნალისტებთან საუბრისას განაცხადა, დაცვის მხარე მოითხოვს, ბრალდებულები აღკვეთის ღონისძიების გარეშე დატოვონ. ადვოკატ თამარ ჯაფარიძის თქმით, დაკავებულები წარდგენილ ბრალში თავს დამნაშავედ არ ცნობენ.

"ედავებიან სამსახურებრივ გულგრილობას, რაც 2-დან 5-წლამდე ვადით თავისუფლების აღკვეთას ითვალისწინებს. როდესაც მივიდნენ, ადგილზე სუნი არ იგრძნობოდა. შემოწმების შემდეგ აპარატმა 0 პროცენტი აჩვენა.

ამის შემდეგ იგივე აპარატით სხვა ადგილზე შეამოწმეს და იქ გაჟონვის კვალი დადგინდა. ეს ნიშნავს, რომ აპარატი მწყობრიდან გამოსული არ იყო. ჩვენ ვითხოვთ აღკვეთის ღონისძიების გარეშე დატოვებას ან ალტერნატიული სახით გირაოს 3 ათასი ლარის ოდენობით.

ბრალდებულები თავს დამნაშავედ არ მიიჩნევენ. მართალია მოხდა საშინელი ფაქტი, მაგრამ იმ პოზიციას, რაც ბრალდებას აქვს, ბრალდებულები არ იზიარებენ", - განაცხადა თამარ ჯაფარიძემ.

ტატიშვილსა და მამადიანს ბრალი ოფიციალურად 19 იანვარს წაუყენეს. დაკავებულებს ბრალი სისხლის სამართლის კოდექსის 220-ე პრიმა მუხლის მეორე ნაწილით აქვთ წაყენებული, რაც სამსახურებრივ გულგრილობას გულისხმობს.

შეგახსენებთ, რომ 16 იანვარს, დიდ დიღომში, საცხოვრებელ კორპუსში მომხდარი აფეთქების შედეგად 4 ადამიანი დაიღუპა, აქედან ერთი მცირეწლოვანი ბავშვია. დაშავდა 8 ადამიანი.

თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."

შსს-ს გაფრთხილება აქციის მონაწილეებს - უწყება განცხადებას ავრცელებს

"მთავარი არხის" ერთ-ერთი დამფუძნებელი გიორგი რურუა დააკავეს