დღის ფოტო: ლევან ჩხაიძის გარდაცვალების გამო, "ტვ პირველში" სამძიმრის წიგნი გაიხსნა

ტელეწამყვან ლევან ჩხაიძის გარდაცვალებასთან დაკავშირებით, ტელეკომპანია "პირველში" სამძიმრის წიგნი გაიხსნა. ამის შესახებ ტელევიზიის "ფეისბუქის" ოფიციალური გვერდიდან გახდა ცნობილი. ტელეკომპანია მაყურებელს და კოლეგებს მადლობას უხდის ამ მძიმე მომენტში თანადგომისთვის.

"გამორჩეული ჟურნალისტის და ტელეწამყვანის, ლევან ჩხაიძის (ჯაკოს) გარდაცვალების გამო TV პირველში სამძიმრის წიგნია გახსნილი. კოლეგების და მეგობრების სახელით მადლობას გიხდით თანაგრძნობისთვის" - ვკითხულობთ "პირველის" ფეისბუქ-გვერდზე გავრცელებულ განცხადებაში.

ლევან ჩხაიძის გარდაცვალების გამო, ტელეკომპანიამ გუშინ საინფორმაციო მაუწყებლობა შეწყვიტა, ეთერში არ გასულა ახალი სეზონის პირველი გადაცემა - ვახო სანაიას "ხალხის პოლიტიკა".

33 წლის ლევან ჩხაიძე ბუდაპეშტში გარდაიცვალა, სადაც მეგობრებთან ერთად შვებულებას ატარებდა. არსებული ინფორმაციით, გარდაცვალების მიზეზად თრომბი სახელდება.