მელანია ტრამპი საზოგადოების წინაშე დიდი ხანი არ გამოჩენილა, რაც ჟურნალისტებისთვის და სოციალური ქსელების მომხმარებლებისთვის შეუმჩნეველი არ დარჩენილა. აშშ-ს პირველი ლედის „გაუჩინარების“ შესახებ „ტვიტერზე“ მუდმივად წერდნენ, თუმცა მითქმა-მოთქმა დასრულებულია - მელანიას „ფეისბუქის“ ოფიციალურ გვერდზე მისი ფოტო გამოჩნდა. სურათის კომენტარში აღნიშნულია, რომ პირველი ლედი ონლაინუსაფრთხოების, ოპოიდების ბოროტად მოხმარების წინააღმდეგ და ბავშვების კეთილდღეობისთვის მუშაობას განაგრძობს.
ტრამპი მისი საყვარელი ფერის სამოსშია გამოწყობილი - შავ შარვალსა და სვიტერზე თეთრი პალტო აქვს შემოცმული.
ეს პირველი ფოტოა, რომელიც მელანიას „ფეისბუქზე“ 2019 წელს განთავსდა.