მეწყერმა ქორწილის სტუმრები მოიყოლა - პერუში სულ მცირე 15 ადამიანი დაიღუპა
პერუს სამხრეთით მდებარე სასტუმრო, სადაც საქორწინო წვეულება იმართებოდა, მეწყერმა მოიყოლა, ინფორმაციას BBC ავრცელებს.
მაშინ, როდესაც სტუმრები სასტუმროში ცეკვავდნენ და მხიარულობდნენ, ტალახისა და ქვების მასამ შენობის კედლები და ჭერი ჩამოშალა. შედეგად სულ მცირე 15 ადამიანი დაიღუპა, 29 კი დაშავდა. შემთხვევა ქალაქ აბანქეიში მოხდა.
ადგილობრივი მედიის ინფორმაციით, მეწყერი უხვმა ნალექმა გამოიწვია.
სასტუმრო „ალჰამბრაში“ საზეიმო ცერემონიალს 100-მდე ადამიანი ესწრებოდა. კედელთან ახლოს, რომელიც მეწყერის დროს მთლიანად ჩამოიშალა, დაახლოებით 50 ადამიანი იმყოფებოდა.
სოციალურ ქსელში ვრცელდება ფოტოები, სადაც ჩანს, როგორ გამოჰყავთ მაშველებს ნანგრევებიდან ადამიანები.
ქალაქის მერი, გუიდო ჩაჰუაილა ამბობს, რომ ყველა ღონეს ხმარობენ, რათა მაშველებმა შენობის ქვეშ მოყოლილი ადამიანების გამოყვანა შეძლონ.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
