მელანიას პალტოს და ჩექმის ფასი 5 500 დოლარია - ტრამპები შვილთან ერთად გამოჩნდნენ
ტრამპების წყვილმა შვილთან, ბერონთან ერთად თეთრი სახლი დატოვა და ფლორიდაში მდებარე აგარაკზე გაემგზავრა. Daily Mail წერს, რომ მელანია გამგზავრების წინ ბედნიერი ჩანდა, ის ქმართან ხელჩაკიდებული მივიდა ვერტმფრენამდე, რომლითაც მარ-ა-ლაგოში გაემგზავრნენ.
აშშ-ს პრეზიდენტი და მისი ცოლი საზოგადოების წინ იშვიათად ჩნდებიან შვილთან, 12 წლის ბერონთან ერთად. ბიჭს ჟურნალისტებთან კონტაქტი არ ჰქონია. მედია აღნიშნავს, რომ სიმაღლით უკვე თითქმის მშობლებს უტოლდება.
ტრამპები მათთვის საყვარელ დასასვენებელ რეზიდენციაში წელს პირველად გაფრინდნენ. მელანია და ბერონი მარ-ა-ლაგოში დეკემბერშიც იმყოფებოდნენ, თუმცა დასვენება ხანმოკლე იყო.
პირველ ლედის ცივ ამინდში Roksanda-ს ყავისფერი პალტო ეცვა, რომლის ფასი 3,875 აშშ დოლარია. პალტოს ასევე ყავისფერი 1,625 დოლარად ღირებული ჩექმა შეუხამა, რომელიც დიზაინერ Gianvito Rossi-ს კოლექციიდან არის.
რაც შეეხება ლამაზ წითელ ჩანთას, „დეილი მეილის“ ინფორმაციით, ის „ჰერმესისაა“.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
