კასპში 60 წლის მამაკაცი დააკავეს, რომელმაც მცირეწლოვანი მეზობლის მიმართ გარყვნილი ქმედება ჩაიდინა

შინაგან საქმეთა სამინისტრომ გარყვნილი ქმედების ბრალდებით კასპში 1 პირი დააკავა. აღნიშნულთან დაკავშირებით უწყება განცხადებას ავრცელებს.

"შინაგან საქმეთა სამინისტროს შიდა ქართლის პოლიციის დეპარტამენტის კასპის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1959 წელს დაბადებული რ.ბ., გარყვნილი ქმედების ბრალდებით, კასპში დააკავეს.

ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა, საკუთარ საცხოვრებელ სახლში, მცირეწლოვანი მეზობლის მიმართ გარყვნილი ქმედება ჩაიდინა.

დაკავებული დანაშაულს აღიარებს.

გამოძიება წინასწარი შეცნობით 16 წლის ასაკს მიუღწეველთან ჩადენილი გარყვნილი ქმედების ფაქტზე, საქართველოს სსკ-ს 141-ე მუხლის 1-ლი ნაწილით მიმდინარეობს" - ნათქვამია უწყების განცხადებაში.

იხილეთ ვიდეო: არასრულწლოვანთან გარყვნილი ქმედების ბრალდებით 63 წლის მამაკაცი დააკავეს