ავტორი:

ნორვეგიაში ქურდობისთვის ვანო ზარდიაშვილის ცოლის ძმა დააკავეს, რომელიც ყოფილი პარლამენტარის შვილია

ნორვეგიაში ქურდობისთვის ვანო ზარდიაშვილის ცოლის ძმა დააკავეს, რომელიც ყოფილი პარლამენტარის შვილია

ნორვეგიაში ქურდობის ფაქტზე საქართველოს სამი მოქალაქე დააკავეს. "კურიერის" ინფორმაციით, დაკავებულებს შორის საპარლამენტო უმრავლესობის წევრის ვანო ზარდიაშვილის ცოლის ძმა გრიგოლ აბრალავაა. თავის მხრივ აბრალავა ყოფილი პარლამენტარის, მეხუთე მოწვევის პარლამენტის დეპუტატის, "საქართველოს აღორძინების" წევრის ანზორ აბრალავას ვაჟია.

ირკვევა, რომ ქურდობისთვის დაკავებული გრიგოლ აბრალავა ბოლო წლებში სახელმწიფო აუდიტის სამსახურის სსიპ „საჯარო აუდიტის ინსტიტუტის“ თანამშრომელი იყო, სადაც სიძის რეკომენდაციით დასაქმდა. როგორც „ინტერპრესნიუსს“ აუდიტის სამსახურში განუცხადეს, აბრალავამ იანვრის ბოლოს სამსახურიდან გათავისუფლების შესახებ განცხადება დაწერა, „იქამდე კი შვებულება აიღო“.

"კურიერის" ინფორმაციით, აბრალავა და მასთან ერთად ორი პირი ელექტრო ტექნიკის მაღაზიაში ქურდობის ფაქტზე დააკავეს.

რაც შეეხება დანარჩენ ორ დაკავებულს, „კურიერის“ ინფორმაციით, ნორვეგიაში დააკავეს თბილისის მერიის დასუფთავების სამსახურის ისნის განყოფილების უფროსი გიორგი კიკნაძე, რომელმაც ნორვეგიაში წასვლამდე, ასევე, შვებულება დაწერა და ამ დრომდე მერიის მოქმედ თანამშრომლად ითვლება. კიდევ ერთი დაკავებული პირი კი, არსებული ინფორმაციით, გრიშა მარღანიაა. სამივე მათგანი ერთმანეთის ახლობლები არიან. კიკნაძეც ზარდიაშვილის ნათესავია - "კურიერის" ინფორმაციით, "ქართული ოცნების" დეპუტატი გიორგი კიკნაძის შვილის ნათლიაა.

საქართველოს შინაგან საქმეთა სამინისტრო ადასტურებს, რომ ნორვეგიაში საქართველოს სამი მოქალაქე დააკავეს.

თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."

შსს-ს გაფრთხილება აქციის მონაწილეებს - უწყება განცხადებას ავრცელებს

"მთავარი არხის" ერთ-ერთი დამფუძნებელი გიორგი რურუა დააკავეს