სანზონაში 9 000 აბონენტს გაზმომარაგება შეუწყდა - რა მოხდა "ღრმაღელის" მეტროსთან?
ნაძალადევის რაიონში, მეტრო „ღრმაღელის“ მიმდებარე ტერიტორიაზე ბუნებრივი აირის მილი დაზიანდა, რის გამოც, 9 000 აბონენტს გაზმომარაგება შეუწყდა.
როგორც AMBEBI.GE-ს კომპანია ყაზტრანსგაზ-თბილისში“ განუცხადეს, ადგილზე მიმდინარეობს სამუშაოები.
დავით გურამიშვილის გამზირის #50-თან, სამშენებლო კომპანია „დინ გრუპის“ მიერ წარმოებული მიწის გათხრითი სამუშაოების შესრულებისას, დაზიანდა საშუალო წნევის 450 მმ-იანი გაზსადენი. შედეგად თბილისის ამ რაიონში გაზის მიწოდება 9000-მდე აბონენტს ავარიულად შეუწყდა.
"ადგილზე მობილიზებულია სპეციალური ბრიგადები. აბონენტებისთვის ბუნებრივი გაზის მიწოდების აღდგენის პროცესი ხვალ დილიდან დაიწყება. გთხოვთ, არ დატოვოთ უყურადღებოდ გაზის დანადგარები. ონკანები იქონიეთ დაკეტილ მდგომარეობაში. დამატებითი შეკითხვებისთვის დაგვიკავშირდით 24 საათის განმავლობაში - 2404004," - აცხადებენ კომპანია "ყაზტრანსგაზში".
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
