"რუსთავი 2"-ის ინფორმაციით, არჩილ თალაკვაძე გაქურდეს

"რუსთავი 2"-ის ინფორმაციით, დეპუტატი არჩილ თალაკვაძე გაქურდეს. როგორც "კურიერს" წყარომ აცნობა, საპარლამენტო უმრავლესობის ლიდერის სახლში, რომელიც ნუცუბიძის პლატოზე მდებარეობს, ქურდები ვერანდიდან შევიდნენ.

წაღებულია სეიფი, რომელშიც თალაკვაძე ფულს და იარაღს ინახავდა.

"გვეგონა სპეცოპერაცია ტარდებოდა, იმდენი პოლიციელი იყო, მთელი დღე ზევით-ქვევით დარბოდნენ " - აღნიშნა "კურიერთან" საუბრისას ადგილობრივმა მცხოვრებმა.

დეპუტატი აღნიშნულთან დაკავშირებით, ჯერჯერობით, კომენტარს არ აკეთებს.