ვისზე გადააფორმა ქონება შაქრო კალაშოვმა დაპატიმრებამდე - მედია მისი მდიდრული სახლების ფოტოებს ავრცელებს
გავლენიანი „კრიმინალური ავტორიტეტი“ და ყოფილი №1 “კანონიერი ქურდი“ შაქრო კალაშოვი ციხეში ყოფნის პერიოდში შესანიშნავად ახერხებს, საკუთარ ქონებას მიხედოს, ამის შესახებ რუსული მედია წერს.
რუსული კრიმინალური სამყაროს 65 წლის ლიდერი თებერვლის ბოლოს კრასნოდარის ოლქში, მკაცრი რეჟიმის მეორე დაწესებულებაში გადაიყვანეს. მას 9 წლიანი პატიმრობა აქვს მისჯილი. როგორც გაირკვა, კრასნოდართან კალაშოვს მხოლოდ ციხე არ აკავშირებს - Life წერს, რომ მისი ქონება მთლიანად გაფორმებულია აღნიშნულ ოლქში მცხოვრებ 57 წლის ქალზე, იულია ბრატჩენკოზე, რომელიც კალაშოვის ცოლის, მარინა გოლდბერგის შორეული ნათესავია.
გოლდბერგი და ბრატჩენკო ქალაქ აპშერონსკში დაიბადნენ, მოგვიანებით კი ერთად გადავიდნენ საცხოვრებლად ხანტი-მანსიის ავტონომიურ ოლქში. 2003 წელს შაქრო კალაშოვმა გოლდბერგს მოსკოვში სამოთახიანი ბინა უყიდა და გოლდბერგი და ბრატჩენკო საცხოვრებლად რუსეთის დედაქალაქში გადავიდნენ. მედიის ინფორმაციით, ბინის საბაზრო ღირებულება 50 მლნ დოლარია.
კალაშოვმა საკუთარი ქონება ბრატჩენკოს სახელზე რამდენიმე წლის წინ გადააფორმა.
ყოფილი „კანონიერი ქურდის“ მფლობელობაშია 70 მლნ რუბლად შეფასებული სახლი ნიკოლინა გორაზე, ავტომობილები Mercedes E200, Mercedes ML350 და Lexus და მდიდრული სახლი, რომელშიც კალაშოვი მიღებებს მართავდა.
„კრიმინალური ავტორიტეტი“ 2016 წლის 12 ივლისს დააკავეს.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
