"ჩემ­თვის ოჯა­ხი სულ პირ­ველ ად­გი­ლას იქ­ნე­ბა" - ანა ახვლედიანის ულამაზესი შვილი და ოჯახური ფოტოები

ცნობილი მოდელი ანა ახვლედიანი "ინსტაგრამზე" ულამაზესი შვილის ფოტოებს აქვეყნებს. ანა დედა შარშან გახდა. გოგონას ევა დაარქვა. ანას მეუღლე ასევე მოდელი გიგი ბერაიაა. მშობლებმა რამდენიმე დღის წინ შვილი მონათლეს. მათი გადაწყვეტილებით, გოგონას გაქრისტიანება ხარების დღესასწაულს დაემთხვა. ევა საგურამოში მდებარე ერთ-ერთ ტაძარში მოინათლა.

• მოდელმა ანა ახვლედიანმა ჯვარი დაიწერა - ულამაზესი წყვილის ფოტოები საგურამოდან

მოდელმა თავისი სილამაზით არა მარტო საქართველოში, არამედ მსოფლიოში გაითქვა სახელი. ის თანამშრომლობდა პარიზისა და ინგლისის სამოდელო სააგენტოებთან, ხშირად ადარებდნენ ბიანკა ბალტის და ლივ ტაილერს.

"ძალიან ბედნიერი ვარ და ჩემთვის ოჯახი სულ პირველ ადგილას იქნება! დიდად არაფერი შეცვლილა, ისედაც სულ რეჟიმში ვიყავი, სწორად ვიკვებებოდი და ამას მიჩვეული ვარ. გიგის თავიდანვე გული უგრძნობდა, რომ გოგო იქნებოდა, იმიტომ, რომ ძალიან უნდოდა, პირველი შვილი გოგო ყოფილიყო... მე რატომღაც ბიჭი მეგონა, თუმცა სულ ერთი იყო, გოგო იქნებოდა თუ ბიჭი, ორივე ძალიან გაგვიხარდებოდა", - ამბობდა ერთ-ერთ ინტერვიუში მოდელი.

ანა ბავშვის ფოტოების კომენტარებში აღნიშნავს, რომ გოგონა მამის ასლია. ფოტოებს უამრავი თბილი კომენტარი და მოწონება აქვს.

• "გოგონას ველოდებით, მეუღლე ორსულობამდეც მანებივრებდა და ახლა მით უმეტეს!" - ანა ახვლედიანი