მესამე სართულიდან გადავარდნილი ნასვამი მამაკაცი მანქანას დაეცა - რა მოხდა დიდ დიღომში

დიდ დიღომში ნასვამი მამაკაცი მესამე სართულიდან გადავარდა და პარკინგზე მდგომ მანქანას დაეცა. ამის შესახებ „ფეისბუქზე“ მანქანის მფლობელი წერს და დაზიანებული ავტომობილის ფოტოსაც აქვეყნებს.

„ეს არის ჩემი მანქანა, რომელსაც არც მეტი და არც ნაკლები, პარკირებაზე მდგომს, მესამე სართულიდან გადმოვარდნილი ნასვამი კაცი დაეცა. კაცი კარგადაა, მსუბუქი მოტეხილობებით გადარჩა, აი ჩემი მანქანა კი გმირია, ადამიანის სიცოცხლე იხსნა. პ.ს. კიდევ კარგი დაზღვეული მყავდა,“ - წერს პოსტის ავტორი.

მისივე თქმით, ინციდენტის შესახებ პოლიციამ აცნობა.