"ნოტრ-დამის აღდგენაში მიიღებენ მონაწილეობას?! წყევლაზე გადავალ მალე" - ანიტა რაჭველიშვილი ქართული ბიზნესის გადაწყვეტილებას აკრიტიკებს
მსოფლიოში აღიარებული მეცო-სოპრანო ანიტა რაჭველიშვილი კრიტიკულად აფასებს გადაწყვეტილებას, რომლის თანახმად, ქართული ბიზნესი ნოტრ-დამის აღდგენაში გეგმავს მონაწილეობას. აღნიშნულთან დაკავშირებით მან პოსტი "ფეისბუქზე" გამოაქვეყნა:
"დანგრეული ისტორიული ძეგლები, მშიერი ხალხი, დაავადებული განწირული ადამიანები და კიდევ რამდენი რამ და ესენი ნოტრ დამის აღდგენაში მიიღებენ მონაწილეობას?! თქვენ საერთოდ....... წყევლაზე გადავალ მალე" - წერს ანიტა რაჭველიშვილი.
პარიზის ღვთისმშობლის ტაძარში ცეცხლი ადგილობრივი დროით 18:30 საათზე გაჩნდა და ეკლესიის სახურავს სწრაფად მოედო. ხანძრის კონტროლი მაშველებმა მხოლოდ დაწყებიდან 9 საათის შემდეგ შეძლეს.
სამაშველო სამსახურებმა მოახერხეს, გადაერჩინათ ხელოვნების ძვირფასი ნიმუშები და რელიგიური სიწმინდეები, მათ შორის გვირგვინი, რომელიც, გადმოცემის მიხედვით, ქრისტეს ჯვარცმამდე ეკეთა. გადარჩა ლუი IX-ის შესამოსელიც.
მთელი ღამის განმავლობაში პარიზის ქუჩები ხალხით იყო სავსე, ისინი ცეცხლმოკიდებულ ტაძარს ადევნებდნენ თვალყურს. ხალხის ნაწილი ტიროდა, ნაწილი კი საგალობლებს მღეროდა. საფრანგეთის დედაქალაქში ღამის განმავლობაში ისმოდა ეკლესიების ზარების რეკვა.
მიზეზი უცნობია, თუმცა სამართალდამცველები ვარაუდობენ, რომ ხანძარი ტაძარში მიმდინარე სარემონტო სამუშაოებს უკავშირდება. მომხდარს პროკურატურა იძიებს.
"ხუთი მკვლელი! ხუთი ცოცხლად მოსიარულე გვამი!“ - რას წერს გიორგი შაქარაშვილის და პროკურატურის ბრიფინგის შემდეგ
თეონა კონტრიძე "ბატკას" წინააღმდეგ - "ბელორუსი ხალხისა და დემოკრატიის მხარეს ვარ!"
