ცეცხლში გახვეული პარიზის ღვთისმშობლის ტაძარი - ემოციური ფოტოები საფრანგეთიდან

პარიზის ღვთისმშობლის ტაძარში გაჩენილ ძლიერი ხანძარი გაჩნდა. ფრანგული მედიის ინფორმაციით, ხანძარი შესაძლოა, სარესტავრაციო სამუშაოებს უკავშირდებოდეს. წინასწარი ინფორმაციით, ხანძარი ტაძრის ზემო ნაწილში გაჩნდა, სადაც სარემონტო-სარესტავრაციო სამუშაოები მიმდინარეობს. თუმცა, ამ ეტაპზე ხანძრის გაჩენის მიზეზი ჯერ დაზუსტებული არ არის. ხანძრის შედეგად ტაძრის შპილი ჩამოინგრა.

• ნახეთ ვიდეო: ყველაზე მძიმე კადრი პარიზის ღვთისმშობლის ტაძრის ხანძრიდან - როგორ ჩამოინგრა შპილი

ტაძრის მიმდებარე ტერიტორიიდან ხალხის ევაკუაცია განხორციელდა. ქალაქის მერია მოსახლეობასა და ტურისტებს მოუწოდებს თავი შეიკავონ ნოტრ-დამის მიმდებარე ტერიტორიაზე გადაადგილეისგან. პარიზის პროკურატურამ ნოტრ-დამში გაჩენილ ხანძართან დაკავშირებით გამოძიება უკვე დაიწყო. პროკურატურის განცხადებით, გამოძიებამ ხანძრის გაჩენის მიზეზები უნდა დაადგინოს. საფრანგეთის შს სამინისტროს ინფორმაციით, ამ ეტაპზე გაჩენილი ხანძრის შედეგად არავინ არის დაშავებული.