ჰარი და მეგანი საცხოვრებლად აფრიკაში გადასვლას გეგმავენ

ჰარი და მეგანი საცხოვრებლად, შესაძლოა, აფრიკაში გადავიდნენ, ამის შესახებ ბრიტანულ გამოცემა The Sunday Times-ზე დაყრდნობით CNN წერს.

წყვილი სხვა ქვეყანაში გამგზავრებას შვილის შეძენის შემდეგ გეგმავს და აფრიკაში, სავარაუდოდ, სამი წლის განმავლობაში იცხოვრებენ.

სასექსის ჰერცოგსა და ჰერცოგინიას გეგმა დევიდ მენინგმა შესთავაზა, რომელიც აშშ-ში ბრიტანეთის ელჩი იყო. ჰარი და მეგანი, როგორც საერთაშორისო საზოგადოებაში მაღალი როლის მქონე პირები, აფრიკის განვითარებას ხელს შეუწყობენ.

სხვა კონტინენტზე საცხოვრებლად გადასვლა 2020 წლამდე არ იგეგმება, მანამდე კი ბავშვი დიდ ბრიტანეთში, ფროგმორის კოტეჯში გაიზრდება.

ბუკინგემის სასახლის წარმომადგენელი CNN-თან ამბობს, რომ ამ ეტაპზე ჰერცოგი და ჰერცოგინია არანაირ სამომავლო გეგმებზე არ საუბრობენ. CNN-ის წყაროს ცნობით, პრინცი უილიამი ძმას ნებისმიერი პროექტის განხორციელების შემთხვევაში მხარს დაუჭერს.