მილიარდერი გეგმავდა, მამულები შვილებისთვის გადაეცა - შრი-ლანკაში ბავშვების გარდაცვალებამდე მან ღია წერილი გაავრცელა

დანიელმა მილიარდერმა ანდერს ჰოლჩ პოვლსენმა შრი-ლანკაში მომხდარ ტერაქტებამდე რამდენიმე დღით ადრე განაცხადა, რომ შოტლანდიაში მდებარე მამულებს შვილებს გადასცემდა.

პოვლსენი დანიაში ყველაზე მდიდარი ადამიანია, მისი ოთხი შვილიდან სამი შრი-ლანკაში კვირას მომხდარმა ტერაქტმა იმსხვერპლა.

მილიარდერი შოტლანდიაში ყველაზე დიდი მიწათმფლობელია. ის ახორციელებს პროექტს Wildland, რომლის ფარგლებშიც ცდილობენ, ველური ბუნება დაიცვან და გადაშენების პირას მყოფი მცენარეები გადაარჩინონ.

ღია წერილში, რომელიც მისი კომპანიის ვებგვერდზე გასულ კვირას გამოქვეყნდა, პოვლსენი და მისი ცოლი, ანა სტორმ პედერსენი აღნიშნავენ, რომ პროექტი კიდევ უამრავი წლის განმავლობაში უნდა გაგრძელდეს და მათი გარდაცვალების შემდეგ სათავეში შვილები უნდა ჩაუდგნენ.

პოვლსენს სამი შვილი ჰყავდა - ალმა, ასტრიდი, აგნესი და ალფრედი. ოჯახის ოფიციალურმა წარმომადგენელმა სამი ბავშვის გარდაცვალება დაადასტურა, თუმცა რომელი გადარჩა, ამ დრომდე არ არის ცნობილი.

თავდასხმებამდე რამდენიმე დღით ადრე ალმამ „ფეისბუქზე“ შრი-ლანკაში გადაღებული ფოტო განათავსა, სადაც მისი ძმა და დები აუზთან სხედან. ტერაქტის დროს პოვლსენის ოჯახი შრი-ლანკაში იმყოფებოდა.

Daily Mail შოტლანდიაში პოვლსენის უძრავი ქონების ნაწილის ფოტოებს ავრცელებს :