ავტორი:

დაუჯერებელი ამბავი - ცოლ-ქმარმა გამქრალი ტყე ახლიდან გააშენა, სადაც ყველა ცხოველი და მწერი დაბრუნდა

დაუჯერებელი ამბავი - ცოლ-ქმარმა გამქრალი ტყე ახლიდან გააშენა, სადაც ყველა ცხოველი და მწერი დაბრუნდა

1994 წელს ბრაზილიელი ფოტოჟურნალისტი სებასტიაო რიბეირო სალგადო აღმოსავლეთ აფრიკიდან სამშობლოში დაბრუნდა - აფრიკაში მან რუანდას გენოციდის შესახებ დოკუმენტური მასალა გადაიღო. სტრესული და მძიმე პროექტის დასრულების შემდეგ ოჯახის რანჩო ჩაიბარა, რომელიც მინას გერაისში მდებარეობს, რეგიონში, სადაც ოდესღაც ცოცხალი და მდიდარი ტროპიკული ტყე მდებარეობდა.

ფოტოჟურნალისტის დაბრუნებისას კი ტყის მხოლოდ 0.5% იყო დარჩენილი, ველური ბუნება თითქმის მთლიანად იყო გამქრალი.

„მიწაც ისევე იყო დაავადებული, როგორც მე,“ - ამბობს სალგადო „გარდიანთან“.

ფოტოჟურნალისტის ცოლს, ლეილას შესანიშნავი იდეა მოუვიდა - ტყე ახლიდან გაეშენებინათ. ერთი შეხედვით, იდეის განხორციელება სრულიად შეუძლებელი იყო, თუმცა წყვილმა მუშაობა დაიწყო. მათ 1998 წელს დააარსეს გარემოს დაცვის ორგანიზაცია Instituto Terra. რამდენიმე წლის განმავლობაში სალგადოები ორგანიზაციასთან ერთად დაუღალავად შრომობდნენ, რომ რეგიონისთვის ტყე დაებრუნებინათ და საბოლოოდ შეძლეს, 700 ჰექტარზე მეტი მოცულობის ტერიტორია კვლავ ტროპიკული ტყით დაეფარათ.

ახლა ტყეში ასობით სახეობის მცენარე და ცხოველი ბინადრობს, მათ შორის ჩიტების და ძუძუმწოვრების ისეთი სახეობები, რომლებიც გადაშენების პირასაა. ტყის განახლებამ დიდი გავლენა მოახდინა ეკოსისტემასა და კლიმატზეც - დამშრალი წყაროები მანამდე გვალვებით გამომშრალ ტერიტორიაზე კვლავ გაჩნდა.

„ყველა მწერი, ჩიტი და თევზი დაბრუნდა და ამ ხეების წყალობით, მეც ახლიდან დავიბადე,“ - ამბობს სალგადო.

რას წერს რუსული მედია გიორგი შაქარაშვილის გარდაცვალების საქმეზე?

"რამდენიმე დღით ადრე ჯავშანჟილეტის შოვნას ცდილობდა" - ვინ იყო ბლოგერი "ანზორი ვენიდან", რომლის მკვლელობას კადიროვს უკავშირებენ

გამაოგნებელი ისტორიები ადამიანებზე, რომლებიც ციხეში სხვის ნაცვლად ჩასვეს - "ჩემი ქმარი სიკვდილით დასაჯეს... ელექტროსკამს ცეცხლი გაუჩნდა და ის ზედ დაიწვა"