რამდენიმე საათიანი დაკითხვა დასრულდა - რა განაცხადა სუს-იდან გამოსულმა მალხაზ მაჩალიკაშვილმა

სახელმწიფო უსაფრთხოების სამსახურში მალხაზ მაჩალიკაშვილის რამდენიმე საათიანი დაკითხვა დასრულდა. მან სუს-ის შენობა უკვე დატოვა.

როგორც დაკითხვის დასრულების შემდეგ მაჩალიკაშვილის ადვოკატმა მარიამ კუბლაშვილმა ჟურნალისტებს განუცხადა, მათ ყველა კითხვას უპასუხეს. მისივე ინფორმაციით, დღეს მაჩალიკაშვილმა მოისმინა აუდიო ჩანაწერიც, რომელიც სუს-მა გაავრცელა და „გარკვეული შენიშვნებიც გააკეთა“.