ავტორი:

"ბავშვს შეაწმინდეს ხელები" - რას ამბობს ხორავას ქუჩის საქმეზე ცრუ ჩვენებისთვის მსჯავრდებული არასრულწლოვნის მამა

"ბავშვს შეაწმინდეს ხელები" - რას ამბობს ხორავას ქუჩის საქმეზე ცრუ ჩვენებისთვის მსჯავრდებული არასრულწლოვნის მამა

ეს გადაწყვეტილება სამართლიანი არ არის და ბავშვს შეაწმინდეს ხელები, - ამის შესახებ ჟურნალისტებს ხორავას ქუჩაზე მომხდარი მკვლელობის საქმეზე ცრუ ჩვენების მიცემისთვის მსჯავრდებული არასრულწლოვნის, დ.ღ.ს მამამ, კახა ღლონტმა განაცხადა. მისი თქმით, სასამართლოს მიერ მისი შვილის დამნაშავედ ცნობა, სამართლიანი გადაწყვეტილება არ არის.

"საერთოდ არ ველოდებოდი გამამტყუნებელ განაჩენს. ეს გადაწყვეტილება სამართლიანი არ არის და ბავშვს შეაწმინდეს ხელები. აბსოლუტურად ყველამ შეაწმინდა ხელი, სახელმწიფომ, პროკურატურამ, ყველამ. "გაპრავებულია" ეს საქმე, თურმე, ყველაფერი კარგადაა, ყველაფერი გამოძიებულია და მარტო ეს ყოფილა ყველაფერში დამნაშავე. ესენი გვეუბნებიან, საქმე თქვენი შვილის გამო ვერ გამოვიძიეთო. იმას კი არ ამბობენ, გაყალბებულია ეს ჩვენებები და პროკურატურამ თავიდან ბოლომდე დაანგრია ეს ყველაფერიო. ამას არავინ ამბობს. თურმე, ჩემმა შვილმა, ბავშვმა აურია ყველას თავგზა და ჭეშმარიტება ვერ დადგა ამ საქმეზე - ამას გვეუბნებიან და ამას ხელი მოაწერა მოსამართლემ. ბავშვმა თქვა დღესაც, უდანაშაულო ვარ, თავიდან ბოლომდე ვთანამშრომლობ გამოძიებასთანო", - განაცხადა ღლონტმა.

როგორც ის აცხადებს, აპირებს სასამართლო სხდომის ოქმები გაასაჯაროვოს, რათა საზოგადოება მისი შვილის უდანაშაულობაში დარწმუნდეს.

"დანებებას არ ვაპირებთ, ამ საქმეს ბოლომდე ჩავყვებით. ვაპირებთ, გავასაჯაროვოთ სასამართლოს ოქმი, რათა საზოგადოება დარწმუნდეს, დღეს რა გააკეთეს, რას მოაწერეს ხელი და როგორ გაწირეს ეს ბავშვი", - განაცხადა ღლონტმა.

ხორავას ქუჩაზე მომხდარი მკვლელობის ფაქტზე ცრუ ჩვენების მიცემის საქმეზე ბრალდებული არასრულწლოვნი დ.ღ. სასამართლომ დამნაშავედ სცნო. სასჯელის დანიშვნის სხდომად 22 მაისი, 17:00 საათი განისაზღვრა.

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ