კაკლისოდენა სეტყვა თბილისში - ფოტოები დედაქალაქის უბნებიდან

თბილისის რამდენიმე უბანში ძლიერი სეტყვა მოვიდა, მათ შორის სანზონაში, დიდ დიღომში, გლდანში და ისანში.

ძლიერი წვიმისა და სეტყვის გამო, საგანგებო სიტუაციების მართვის სამსახურში მოქალაქეთა სატელეფონო შეტყობინებათა რაოდენობამ მოიმატა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, არავინ დაშავებულა. პრესსამსახურის ინფორმაციით, მოქალაქეების შეტყობინებები ძირითადად გლდანი-ნაძალადევის რაიონიდან შევიდა და მათი უმეტესობა სარდაფებში წყლის ჩასვლას შეეხება.

ასევე, ახმეტელის მეტროს მიმდებარე ტერიტორიაზე ერთ-ერთ მიწისქვეშა გადასასვლელში ჩასული წყალი უკვე ამოტუმბულია.

როგორც საგანგებო სიტუაციების მართვის სამსახურში აცხადებენ, ყველა მისამართზე ხდება სამაშველო ბრიგადების გასვლა და რეაგირება.

სტიქიის ამსახველ ფოტოებს სოციალურ ქსელებში მოქალაქეები აქვეყნებენ.

ფოტოების ავტორები: მაიკო ჩიტაშვილი, ნათია ტრაპაიძე