კახეთში 36 წლის მამაკაცი მეგობარმა ცემით მოკლა
სიღნაღის მუნიციპალიტეტში 36 წლის მამაკაცი მეგობარმა ცემით მოკლა. შემთხვევა წუხელ სოფელ ბოდბისხევში მოხდა. როგორც მოკლული ბექა ჭაბაშვილის ოჯახის წევრები AMBEBI.GE-ს უყვებიან, ისინი ერთად დაბადების დღეზე იმყოფებოდნენ, რის შემდეგაც მათ შორის ჯერ სიტყვიერი, შემდეგ კი ფიზიკური დაპირისპირება მოხდა.
ჭაბაშვილს სასიკვდილო დაზიანებები, სავარაუდოდ, ბლაგვი საგნით აქვს მიყენებული. ის თავდაპირველად წნორის "არქიმედეს" კლინიკაში გადაიყვანეს, თუმცა მისი გადარჩენა ვეღარ მოხერხდა. მოკლულის ოჯახს მომხდარის მოტივზე საუბარი უჭირს. მათი ინფორმაციით, დაპირისპირების დროს ორივე მათგანი ალკოჰოლური ზემოქმედების ქვეშ იმყოფებოდა.
როგორც შინაგან საქმეთა სამინისტროში აცხადებენ, მომხდარზე გამოძიება 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. უწყების ცნობით, დანაშაულში ბრალდებული პირი პოლიციამ უკვე დააკავა.
"ბიჭი ნაქირავებ ბინაში ცხოვრობდა. სწავლისთვის ემზადებოდა. ერთ დღესაც გაქრა..." - აზერბაიჯანელი აქტივისტი თურქეთში გარდაცვლილი იპოვეს: რა ვერსიებზე ლაპარაკობენ მისი მეგობრები?
"ყველაზე მძიმე მუხლი მელიას აქვს წაყენებული და თუ ამნისტია მას უნდა შეეხოს, უფრო მსუბუქ მუხლებს რატომ არ უნდა შეეხოს?!" - გომელაური
