გერმანიის კანცლერი უკრაინის პრეზიდენტთან შეხვედრის დროს ცუდად გახდა, ვლადიმირ ზელენსკის გვერდით მდგომი ანგელა მერკელი ძლიერად კანკალებდა, თუმცა მოგვიანებით განაცხადა, რომ ეს სიცხისა და დეჰიდრაციის ბრალი იყო.
მერკელი ზელენსკის ბერლინში მასპინძლობს. „დეილი მეილი“ წერს, რომ შეხვედრისას, როდესაც მერკელი ცალსახად ვერ გრძნობდა თავს კარგად, ტემპერატურა 28 გრადუსი იყო.
ორი ქვეყნის სახელმწიფო ჰიმნების დასრულების შემდეგ კანცლერი უკეთესად გამოიყურებოდა, ის ზელენსკისთან ერთად შენობაში შევიდა.
VIDEO : აკანკალებული მერკელი ზელენსკისთან შეხვედრაზე - რა დაემართა გერმანიის კანცლერს?
მოგვიანებით პრესკონფერენციაზე ჟურნალისტებმა მას ჯანმრთელობის მდგომარეობასთან დაკავშირებით დაუსვეს კითხვა. მერკელმა უპასუხა, რომ მას შემდეგ სულ მცირე სამი ჭიქა წყალი დალია და თავს უკვე შესანიშნავად გრძნობდა.