სენაკში, მდინარე ცივში მამა-შვილის ცხედრები იპოვეს. ამის შესახებ "ინტერპრესნიუსს" მუნიციპალიტეტის მერმა ლევან კუპრეიშვილმა განუცხადა. მისივე ინფორმაციით, საბანაოდ წასული მამა-შვილი დაიკარგა და მათი ძებნა გუშინ ღამით დაიწყეს.
"როგორც მაქვს ინფორმაცია, საბანაოდ იყვნენ ჩასული. შემდეგ რა მოხდა არ ვიცი...“, - განაცხადა კუპრეიშვილმა.
არსებული ინფორმაციით, მამა 11 წლის გოგონას გადარჩენას ცდილობდა, რა დროსაც ორივე დაიხრჩო.
AMBEBI.GE-ს ინფორმაციით, გარდაცვლილები არიან მამა-შვილი ხვიჩა და მარიამ გაბესკირიები.
საგანგებო სიტუაციების მართვის სააგენტოში აცხადებენ, რომ სამძებრო ღონისძიებებში ექვსი მყვინთავი მონაწილეობდა.