მძღოლები ვიდეოჯარიმებს ონლაინ გადაიხდიან

მძღოლები ვიდეოჯარიმის გადახდას ამიერიდან შინაგან საქმეთა სამინისტროს ოფიციალურ ვებგვერდზე შეძლებენ.

როგორც „ინტერპრესნიუსს“ შინაგან საქმეთა სამინისტროდან აცნობეს, შინაგან საქმეთა სამინისტრო მოქალაქეთა მომსახურების გაუმჯობესების მიზნით აგრძელებს ტექნოლოგიური სიახლეების დანერგვას.

მათივე ცნობით, პირველად, შინაგან საქმეთა სამინისტროს ოფიციალურ ვებგვერდს - POLICE.GE დაემატა ინოვაციური სერვისი - ვიდეოჯარიმების ონლაინ გადახდის ფუნქცია.