ავტორი:

კლინიკა რუსეთში, სადაც საწოლზე დაბმულ პაციენტებს აწამებდნენ - სამართალდამცველებმა გამოძიება დაიწყეს

კლინიკა რუსეთში, სადაც საწოლზე დაბმულ პაციენტებს აწამებდნენ - სამართალდამცველებმა გამოძიება დაიწყეს

რუსეთში, ციმბირში მდებარე სარეაბილიტაციო ცენტრში ალკოჰოლსა და ნარკოტიკულ ნივთიერებებზე დამოკიდებული პაციენტები ლოგინზე ბორკილებით ჰყავთ დაბმული და სასტიკად აწამებენ, Frane 24-ის ინფორმაციით, კლინიკაში სპეციალური დანიშნულების რაზმმა რეიდი მოაწყო, სასტიკი მოპყრობის გამო დაწყებულია გამოძიება.

დაწესებულება მოსკოვიდან 2 200 კმ-ს დაშორებით, ომსკში მდებარეობს. ნარკოტიკულ ნივთიერებებზე დამოკიდებული პაციენტები საზოგადოებისგან იზოლირებულები იყვნენ და კლინიკის ტერიტორიაზე თავისუფალი გადაადგილებაც ეზღუდებოდათ.

რეიდი ომსკის კლინიკაში

„მომსახურე პერსონალი იყენებდა კლიტეებსა და რკინის გისოსებს ფანჯრებზე, პაციენტები მიბმული იყვნენ საწოლზე და მათ ხშირად ფიზიკურად უსწორდებოდნენ,“ - ნათქვამია საგამოძიებო კომიტეტის განცხადებაში.

პაციენტებს, რომლებიც წესს დაარღვევდნენ, სასტიკად სცემდნენ. ამასთან, რუსული მედიის ინფორმაციით, მათ აიძულებდნენ, მოეწყოთ რიგნი და ერთმანეთს ფიზიკურად დაუნდობლად გასწორებოდნენ.

ცენტრის ხელმძღვანელ პირებს 5 წლამდე პატიმრობა ელით. გამომძიებლების თქმით, კლინიკის დირექტორს არც სამედიცინო განათლება და არც მუშაობის ლიცენზია ჰქონდა.

ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა

მაქმანებიანი შავი კაბა და ულამაზესი საყურე -  ქეით მიდლტონი მუსიკალურ წარმოდგენაზე  შეუდარებლად გამოიყურებოდა

"საქართველოში მორიგი ფერადი რევოლუცია არ შედგა" - რას წერს რუსული მედია თბილისში მიმდინარე პროცესებზე