ავტორი:

"თქვენ გადამატანინეთ ყველა კრიზისი, რის გამოც სულ მეყვარებით" - ნანუკა ჟორჟოლიანი "რუსთავი 2"-ის მაყურებელს ემშვიდობება

"თქვენ გადამატანინეთ ყველა კრიზისი, რის გამოც სულ მეყვარებით" - ნანუკა ჟორჟოლიანი "რუსთავი 2"-ის მაყურებელს ემშვიდობება

ნანუკა ჟორჟოლიანი "რუსთავი 2"-ის მაყურებელს ემშვიდობება. ტელეწამყვანი, რომელიც ბოლო ათი წელი "ნანუკას შოუს" ქმნიდა, იქამდე კი "რუსთავი 2"-ში მუშაობის მრავალწლიანი გამოცდილება ჰქონდა, რამდენიმე კოლეგასთან ერთად გუშინ სამსახურიდან გაათავისუფლეს.

ჟორჟოლიანი თავის მაყურებელს "ნანუკას შოუს" ოფიციალური "ფეისბუქის" გვერდიდან მიმართავს და მადლობას უხდის:

"მახსოვს, როცა თავის დროზე ვთქვი რომ ნანუკას შოუს ჟანრის გადაცემის გაკეთება მინდოდა, ყველა სკეპტიკურად მიყურებდა. ნაომარ ჟურნალისტს არჩევანს მიწუნებდნენ.

ისეთი სტარტი გვქონდა ყველა მიხვდა, რომ მართალია არა უნაკლო, მაგრამ ქართულ სატელევიზიო ბადეში გამოჩნდა გადაცემა, რომელიც სხვებს ნამდვილად არ გავდა (ქართულს).

ეს გადაცემა იყო ადამიანებზე. მათ ტკივილებზე და ბედნიერებაზე. მათ წარმატებაზე. ეს გადაცემა გიყვებოდათ ამბებს.

არასოდეს გეპრანჭებოდით. ვიყავი ისეთი, როგორიც სინამდვილეში. ჩემი შეცდომებით. არასოდეს გიმტკიცებდით რომ უნაკლო ვარ. არასოდეს გატყუებდით. ამიტომაც მპატიოდით შეცდომებს.

ამ გადაცემამ უამრავ ადამიანს ცხოვრების თავიდან დაწყების შანსი, ახალგაზრდებს კი სწავლის საშუალება მისცა. ბევრი გაახარა და გადაარჩინა. ამიტომაც გიყვარდით ერთგულად, მთელი 10 წელი.

ჰოდა მადლობა ამ სიყვარულისთვის. იცოდეთ რომ დროებით მოგვიწევს განშორება, რადგან ქიბარ ხალვაშმა და პაატა სალიამ მიიღეს გადაწყვეტილება მე, რ2-ზე, აღარ ვიმუშაო.

ხანდახან აუცილებელია რაღაც დამთავრდეს. სხვანაირად ვერ დაიწყება ახალი ეტაპი და ძალიან მალე, შეგხვდებით მთავარ არხზე. მთავარია მანამდე არ მოიწყინოთ.

თქვენ გადამატანინეთ ყველა კრიზისი, რის გამოც სულ მეყვარებით" - წერს ნანუკა ჟორჟოლიანი შოუს ოფიციალურ გვერდზე.

ჟორჟოლიანთან ერთად "რუსთავი 2"-ის ახალმა გენერალურმა დირექტორმა სამსახურიდან გაათავისუფლა: გიორგი გაბუნია, ნოდარ მელაძე, ეკა კვესიტაძე და გიორგი ლაფერაშვილი. საღამოს ეთერში ტელეკომპანიის დატოვების შესახებ განაცხადეს "კურიერის" წამყვანებმა დიანა ჯოჯუამ და მიშა სესიაშვილმა.

"თქვენ მამა წამართვით და ამას არასდროს გაპატიებთ!" - მოკლული ნოდარ ცხადაძის შვილი ბრალდებულ ბექა კვიციანის მშობლებს მიმართავს

"ტვინის გამომრეცხავი რუსული არხების მაგივრად ჩაგვირთეთ "პალიტრანიუსი"  - რას სთხოვს ოქრუაშვილი წულუკიანს ციხიდან

"აუ,  როგორ არ მინდა, ჩემი დაქალების ინბოქსები ამოგიყარო, თუ ჩემს შეხებას არ შეეშვები" - რატომ ემუქრება თიკა ჯამბურია პროდიუსერ დავით იმედაშვილს