"3 დღის წინ ბანკიდან ოქრო გამოიტანა" - თემქაზე 62 წლის ქალი, სავარაუდოდ გაქურდვის მიზნით მოკლეს
თემქაზე 62 წლის ქალი, სავარაუდოდ, გაქურდვის მიზნით მოკლეს, რადგან როგორც ცნობილი გახდა, სახლიდან ოქროულობაა წაღებული.
ამის შესახებ გარდაცვლილი სიმა მირზოევას ბიძაშვილმა "ინტერპრესნიუსს" განუცხადა.
"როგორც ვიცი, სახლიდან მკვლელობის შემდეგ, სავარაუდოდ, ოქროულობაა წაღებული. გარდაცვლილის მეუღლე დღეს, მას შემდეგ, რაც სიმას გარდაცვალების ამბავი გაიგო, პოლიციას ესაუბრებოდა: სამი დღის წინ ბანკიდან ოქრო გამოვიტანეო", - განაცხადა გარდაცვლილის ბიძაშვილმა.
მეზობლებისვე ინფორმაციით, ქალს თავში ბლაგვი საგნით აქვს მიყენებული ჭრილობები. სავარაუდოდ, თავდამსხმელმა მას სკამი ჩაარტყა და მოკლა, შემდეგ სახლიდან ძვირფასეულობა წაიღო და კვალის დაფარვის მიზნით ცეცხლი გააჩინა.
62 წლის სიმა მირზოევას ცხედარი ექსპერტიზაზე გადაასვენეს.
მომხდარ ფაქტთან დაკავშირებით, გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
