ექსკლუზიური კადრები თემქაზე მომხდარი მკვლელობის ადგილიდან

თემქაზე, 11-ე მიკრო რაიონის 39 კორპუსის მე- 6 სართულზე მცხოვრები 62 წლის სიმა მირზოევა დღეს დილით გარდაცვლილი იპოვეს. მეზობლების ინფორმაციით, დაახლოებით 11:30 საათზე, ქალის საცხოვრებელი სახლიდან კვამლი გამოდიოდა, რის გამოც გამოიძახეს სამაშველო სამსახური, პარალელურად კი გარდაცვლილის მეუღლეს დაურეკეს, რომელიც სამსახურში იმყოფებოდა. მეზობლებისა და ნათესავების თქმით, ბინაში შესულ სამაშველო სამსახურს და პოლიციას ხანძარი დახვდათ. ქალი კი თავის არეში ბასრი ჭრილობის შედეგად იყო გარდაცვლილი.

• VIDEO: უმძიმესი კადრები მკვლელობის ადგილიდან - როგორ გამოიყურება სახლი თემქაზე, სადაც 62 წლის ქალი მოკლეს (+18)

გარდაცვლილი სიმა მირზოევას მეუღლე პოლიციამ გამოკითხვაზე გადაიყვანა. ცხედარი კი პროზექტურაში გადაასვენეს. შემთხვევის ადგილზე ამ დრომდე მიმდინარეობს საგამოძიებო მოქმედებები. გარდაცვლილის ნათესავები ვარაუდობენ, რომ დანაშაული ნაცნობმა ჩაიდინა. AMBEBI.GE-მ მკვლელობის ადგილი ექსკლუზიურად გადაიღო.

ფოტოები: სალომე კვარაცხელია