აშშ-ში, მართლმადიდებლურ ეკლესიაში ღვთისმშობლის ხატი "ტირის" - ტაძარი გაკოტრებულია და 2.5 მლნ დოლარად იყიდება
ჩიკაგოში მდებარე ეკლესიაში, რომელსაც გაკოტრების გამო გაყიდვას უპირებენ, ღვთისმშობლის ხატი „ტირის“ – ABC-ს ინფორმაციით, ამის შესახებ ტაძარში მომუშავე ადამიანები და მრევლი საუბრობს.
იმის მიუხედავად, რომ მოსამართლემ წმინდა სამების სახელობის ბერძნული ეკლესიის გაყიდვის გადაწყვეტილება მიიღო, მორწმუნეები ტაძართან არიან შეკრებილები და მოითხოვენ, ხატის ეკლესიიდან გატანა არ დაუშვან. ისინი მიიჩნევენ, რომ ხატის ცრემლები ღვთიური ნიშანია.
მრევლმა ეკლესიასთან ღამე გაათენა. ამბობენ, რომ იბრძოლებენ, ხატმა ეკლესია რომ არ დატოვოს. თუმცა ჩიკაგოში ბერძნული მართლმადიდებლური ეკლესიის წინამძღვრებს სხვა გეგმები აქვთ - მათ სურთ, ხატი ტაძრიდან გაიტანონ, რომ სასწაულის ნამდვილობა დაადგინონ. მრევლში კი ამბობენ, რომ ხატის შესწავლა ეკლესიაშივეა შესაძლებელი.
ამასთან, მორწმუნეებს იმედი აქვთ, გაკოტრებული ეკლესიის გამოხსნას თავადაც შეძლებენ და საჭირო თანხის - 2.5 მლნ აშშ დოლარის შეგროვებას გეგმავენ.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
