აფეთქება თურქეთში - დაიღუპა შვიდი და დაშავდა ათი ადამიანი

თურქეთში მომხდარი აფეთქების შედეგად დაღუპულია შვიდი და დაშავებულია ათი ადამიანი, - ამის შესახებ ინფორმაციას სააგენტო „როიტერსი“ ავრცელებს.

მათივე ინფორმაციით, აფეთქება მაშინ მოხდა, როდესაც ქვეყნის სამხრეთ-აღმოსავლეთ რეგიონში ავტომობილმა, რომელსაც სოფლის მცხოვრებლები გადაჰყავდა, გზაზე დამონტაჟებულ ასაფეთქებელ მოწყობილობას გადაუარა და აფეთქდა.

რეგიონის გუბერნატორის ოფისის განცხადებაში აღნიშნულია, რომ ასაფეთქებელი მოწყობილობა, სავარაუდოდ, „ქურთების მუშათა პარტიის“ ბოევიკებმა დაამონტაჟეს.