უშგულში პირველი თოვლი მოვიდა

მესტიის მუნიციპალიტეტში პირველი თოვლი მოვიდა.

როგორც AMBEBI.GE-ს უშგულის თემის წარმომადგენელმა ბექა ღვაჩლიანმა განუცხადა, თოვა რამდენიმე საათია დაიწყო.

"დაახლოებით ორი საათია თოვს, თოვლჭყაპსაც ურევს. განსაკუთრებული და უჩვეულო არაფერია, ასე იცის ხოლმე. ხვალიდან უკვე კარგ ამინდს ველოდებით“, - ამბობს ბექა ღვაჩლიანი.

სინოპტიკოსების პროგნოზით, 21-22 სექტემბერს საქართველოში მოსალოდნელია წვიმა ელჭექით, ჰაერის ტემპერატურის დაკლება, დასავლეთის მიმართულების ძლიერი ქარი, სეტყვა, ზღვაზე კი 3-4 ბალიანი ღელვა.

გარემოს ეროვნული სააგენტოს ინფორმაციით, 22 სექტემბერს ღამის საათებში მაღალმთიან რაიონებში ზოგან მოსალოდნელია თოვლჭყაპი.