ძლიერი მიწისძვრა სტამბოლში - სკოლები და საავადმყოფოები ევაკუირებულია

სტამბოლში ძლიერი მიწისძვრა მოხდა - „დეილი საბაჰის“ ინფორმაციით, სიმძლავრემ 5.8 მაგნიტუდა შეადგინა. ძლიერმა რყევამ ქალაქში პანიკა გამოოწვია.

სეისმური ცენტრის ინფორმაციით, ეპიცენტრი სტამბოლის სამხრეთით მდებარეობს. სკოლები და საავადმყოფოები ევაკუირებულია, დაშავებულებისა და ნგრევის შესახებ ინფორმაცია არ ვრცელდება.

ქალაქის ხელისუფლების გადაწყვეტილებით, სკოლებში სწავლა დღეს აღარ გაგრძელდება. ამასთან, მოუწოდებენ მოსახლეობას, დაზიანებულ შენობებში არ დაბრუნდნენ.

ძლიერი ბიძგიდან 25 წუთის შემდეგ კიდევ ერთი მიწისძვრა მოხდა, სიმძლავრემ ამჯერად 4.1 შეადგინა. ქალაქში მცირე აფთერშოკები ამ დრომდე იგრძნობა.